کانال نوحه لکی-nohelaki@

تقدیم به عباس حسین 

شاعر : اسداله آزادبخت

مشکی گته ار قی دنون ، دو دس ئه لش جیا جیا 

برّی چمه ری مونگ نو ، آوه گومل باریه جا 

تینی پره داخی خاک ، وارونِ تیخِ تیژِ هور

سارّی فقط سارّی مونگ ، اورل نمیلن بایه در 

آگر چیه تا بن سخون ، سیا بیه حوشکیه زون

مواری ار دو طلف تر ، تم توورگ ئه قپ کمون

خوینه خدا سیله مهه ،‌تا مونگ نچو ئه ژیر اور

وختی که مای قلم بیه دو دس مونگ وه دس جور

چو پشتی بی ارا برا زورِ علی ئه گیون بیتی

دیتی که مونگ خوینالیه قامت ئه طورکمون بیتی

ام البنین نافه برّی، گیونه میای ارا برا 

خیرت پره دروین بیتی، چوی لشکری بی وه جیا

خوین خدا دایر بخل ،‌ وه شوین و وه مور و هاوار

چوی تو هنارسم کیه ، دی کی دیرم بایه دیار

هیزگر برا وعده صووه،‌هرچه سره جیا مهن

که مشتوون گپ علی ، که اژ خدا حیا مهن

هیزگر برا، تنیا کتم ، ایسه مزونم بی کسم 

جلاد بی رحم هار کمین، خاطر جمن مه بی دسم

هیزگر که تو یار منی، هر تو علمدار منی 

هیزگر که روژ محشره ، برا وفا دار منی 

هیزگر که پاییزم رسی، سامون و سر جیا مهن

هیزگر که شیطون لعین کی ار کسی حیا مهمن 

هیزگر که شوین کرِ لشم، صو بی پنای ئه عباس

هیزگر که صو توز یزید،‌ مچویچنی گیسل یاس 

هیزگر که صو توز خضو مایژیه ور سر و لشم

هیزگر که صو آگر تیر ، هزار هزار ماوه بشم 

شاعر : اسداله آزادبخت

کانال نوحه لکی

کانال نوحه لکی-nohelaki@

▪️▪️▪️▪️▪️شعر نوحه لکی▪️▪️▪️▪️▪️▪️▪️

ئر لو آو فرات شیری بی سر کتی یه

سقای آل علی بی بال و پر کتی یه

مکیشی ئه دل شرار شرمنده و بی قرار

ئر آول رشیا مات و پکر کتی یه

و یا حسینِ عباس،زار وزمین پریشون

لرزه ئر چوار ستیون کوه وکمر کتی یه

ناامید بیه سقا، هنا کرد ادرک اخا

ئه سر زین علمدار شق القمر کتی یه

تا گه رسی و سرِ لش بی گیون عباس

پشت حسین شکیا و بی سرلشگر کتی یه

وت شیر زرد پیکار هیزگر زویتر علمدار

امید اهل حرم رنج بیور کتی یه

ایلی منتظر تونن شیر ژیونم وری

و دامنِ ربابیر بی گیون اصغر کتی یه

سکینه بیقراره،زینب چم انتظاره

و نوم خیمل و بی تو وونگ و چمر کتی یه

ئر هیز نگری برا کار حسین تمومه

آگر بی برایی و نوم سنگر کتی یه

قرار من و تو برا و سر نیزه شهر ئر شهر

زینب و پی سرمونا و بی معجر کتی یه

#حیدر_دهقان_لکی 

کانال نوحه لکی

تصویری از هیئت لک زبان های شهر ری- باقر شهر - کانال نوحه لکی nohelaki@