شعر نوحه لکی

ای پاره پاره پیکرم، اکبر ای اکبر

غرقه وه خوین نو ثمرم اکبر ای اکبر

...ـــــ

تو مونگ سر جیا منی روله ای روله

آزه دل لیلا تونی، روله ای روله

وَه دس کافر سر جیا اکبر ای اکبر

غرقه وه خوین نو ثمرم اکبر ای اکبر

........

هم شیوه پیغمبر تونی روله ای روله

بی تو  عزیز مالکم، مالکم چوله

میوه دل و نو ثمرم اکبر ای اکبر

ای داخت خم بی کمرم  اکبر ای اکبر

........

شو وَل نَهویَتم تا سحر، رنجه بیوَر مِه

ای داخ اڝغر ای هاوار، داخ اکبر مه

هی رودم هی رو ای هاوار ار دل لیلا

کَُر تیکه تیکه سر جیا آه و واویلا

.......

ای سر وَه نیزه اکبرم، بی لش و پیکر

ای اکبرم ای اکبرم شبه پیغمبر

ار پا گاوارَت ای روله نیشتمه تا صو

تاگَه بنیشم یه روژی وَه تماشا تو

#مجیدرضاتقی_پور از مداحان وشاعران لک زبان در هیات های #قم

کانال نوحه لکی